الاثنين، 20 أبريل 2009

بدايتنا معكم


مازلت اعانى من تحريك عقلى المترابط بالأفكار ... ، كلما شعرت بأحساس مرهف امسك به..، لعله يكسر حاجز اليأس المتعمد...، لعله يغير من بعض افكارى ، ولكن ...، كلما امسكت به يتحول بى الشعور للخوف ، واعود للوراء كالعادة.

الحب ، تلك الكلمة التى يجمعها الفرحة والسعادة والحزن والألم ، توليفة غير طبيعية من عدة احاسيس ، اسطورة تتحول فى بعض الاحيان الى حقيقة ، واحياناً تبقى الاسطورة كما هى ، بعد ان تطعنها سيوف الكدب والخيانة .

إنها حقاً من أعجب الكلمات ، يمكنها ان تسكنك فى ارقى بيوت السعادة ، ويمكنها ان بكيك مدى حياتك ، وإن فعلت وان تخرج من فمك تلك الكلمة الى شخص ما تريدة ، فأعلم ان الوقت قد حان ، وان تستسلم الى حياة لها مذاق اخر ...، حياة الحب .

هكذا بالفعل كما هى ، استمع الى اصوات الموسيقى الهادئة ، انظر الى القمر لعدة ساعات دون انقطاع ، فى يدى ورقة ..وقلم ، وخريطة من الكلمات المتناثرة فى قلبى ، احاول سردها بطريقة او بأخرى ، ومهمتى الأن هى ان احرك هذه الكلمة.. الحب ، وما يعانيها من كلمات.. لتجرى فى بحور الحنين ، فترسوا هادئة فى ميناء العشاق ، تحكيها معى اوركسترا تجمع بين الحقيقة والخيال ، تأخذك الى عالم لا يعلم سوى منطق الرومانسية الخالصة ، تحكى عن صراع بين الحب والتضحية ، ونزاع بين الشك واليقين ، وحينها ...، سيعزف الناى بأنفاسه الذهبية تتعجب من خفوتها ، وستظل الكمان تواسيه

إلى ان تتوقف بنا الحياة

إنها بأختصار ...سمفونية الحب الجميل

37 التعليقات:

♥نبع الغرام♥♪≈ يقول...

السلام عليكم
ألحق أول تعليق
ههههههههههههه

♥نبع الغرام♥♪≈ يقول...

السلام عليكم
ألف مبروك يا إسلام بجد أنت تستاهل كل الخير
يارب يكرمك ويوفقك يارب
ويحقق ليك اللى بتتمناه
فى تقدم مسمتر أخى الفاضل
وبجد يا إسلام أنت من الشخصيات اللى بحترمها قوووى
مزيد من التوفيق
إيناس

غروب يقول...

سيمفونيه راااائعه

وكلمات رائعه

والف مبرووووووووك على البلوج الجديده وانا اول تعليق نياهاهاهاها

مبروك يا اسلام وان شاء الله تنجح نجاح اصحي يا مصر واكتر لانها عالم مختلف وجديد

تحياتى

غروب يقول...

ايه ده يا لهوووووووى امتى يعنى

ايه يا ايناس انا ملحقتش اشم نفسي بقيت تالت تعليق

ارحمى

نبيلة مسعود يقول...

المهم ربنا يحقق احلامك ويكون الحب ده قمة الحب مش مجرد حالة لا يكون شي دايم في حياتك وتكون هي صاحبة القلب تستاهل كل الحب ده
ربنا يسعد ايامك

غير معرف يقول...

الف مبروووووك عالمدونة الجديدة والراااائعة

ماشاء الله عليك مبدع بكل حاجة

بداية جميلة واستايل مميز

ربنا يوفقك يارب

(Joudy) يقول...

لما وصف المدونة بالشكل ده طيب المضمون هيكون شكله ايه أكيد روعة طبعا اسمح لى انى أضيف اسم الدونة فى الرايدر عنى واسمح لى أيضا أن أكون متابعة لها
بداية موفقة باذن الله

تقبل مرورى

عاشقه الرومانسيه يقول...

ما اجملها من سيمفونيه تعزف على اوتار قلوبنا برقه

تسلم ايدك
ومنتظره منك المزيد

عاشقة حبيبتى يقول...

صباح الخير

الف مبروك المدونة شكلها رقيق جدا فعلا سمفونية متناغمة ويارب يكون فى تناغم وموضيع متناغمة فى المدونة


الف مبرررررررررووووووووك

hasona يقول...

السلام عليكم

الف مبروك
علي البداية الجديدة

رحلتنا في الحياة يقول...

الف مبروك على المدونة يااسلام وربنا يوفقك دايما يارب

aidy يقول...

انا لسة مقريتش بس داخلة ابارك الاول

مبرووووووووك يا اسلام

شكلها هتبقى مدونة جميلة بجد

وعايزة اقرا اشعارك ..........

بجد مبروووووووووك عليها وهقرا البوست وارد تانى :)

aidy يقول...

احم احم

الله الله على سيمفونيه الحب

بجد كلام جميل جداااااااااا

يمكن الحب هو الاحساس الوحيد اللى تعجز الحروف عن مزجه والتعبير عنه

الى الامام ومنتظرين البداية اللى واضح انها هتكون قوية جداااا

صدى الصمت - عاشقة الورد - يقول...

ألف مبروك واتمنى لك مزيداً من التوفيق
تحياتى

ميرام يقول...

بداية موفقة
(:
مع اني ماتخيلتش مطلقا انك تكتب بالطريقة دي
(:
ونرجع تاني نسأل نفس السؤال
فنان شامل ؟
(:
بانتظار الجديد
تحيــــــاتي

Unknown يقول...

كلام جميل
و بداية جميلة

و بعدين يا عم اسلام
يعنى انا اغيب اسبوعين ثلاثة قول شهر
عن مدونتك
و الصراحة مدونتى انا كمان
ارجع الاقيك غيرت العفش
و الشقة
ههههههههههههههه
و بعدين اجى الاقينى مش فى قايمة الأصدقاء كمان
لأ ازعل جداً
انا اسف انى مقصر معاك شوية اليومين دوول
مشاغل معلش
سلام
و ان شاء الله ححاول على قد مقدر مفوتلكش تدوينة
--
و ابقى شق عليا لما تلاقى وقت
انا عامل تدوينة ساخرة جديدة
سلام

حياه بلا عنوان يقول...

السلام عليكم

اولا الف مبروك على المدونه الجديده وياريت تقبل مرورى الاول للمدونه وربنا يسعدك يارب وتحقق كل الى تتمناه فى حياتك وتكون دايما فى تقدم وربنا يوفقك يارب تحياتى

حياه بلا عنوان

وردة يقول...

الله الله الله
من اولها كده فيلسون يا اسلام
الف مبرووووووك علي المدونة الجديدة
ربنا يباركلك وان شاء الله تظل متميز
وجميلة اوووي السمفونية
ان شاء الله تجد من يعزف معك
تحياتي
سلام

نـــــور يقول...

مبروك السيمفونيه الجديده ياديو
:)

إبن مصر يقول...

السلام عليكم

مبروك عليك المدونه وان شاء الله تكون احسن سمفونيه تعزف فى عالم البلوجر

وان شاء الله بالتوفيق يا أحلى ديو

:)

ربنا يوفقك على تلحينها وعزفها :)

عربي نيوز يقول...

السلام عليكم


الف مبارك اخي افتتاح هذه المدونة
وان شاء الله تكون فاتحة خير لك ولنا جميعاً
دمت بخير


لا تنسوا اخوانكم في غـزة من دعائكم

||..بحــر الدموع..||

فراشة يقول...

ما اجملها سيمفونيه
جميلة جدا واكيد كلنا نعزفها باختلاف الحال عن كل شخص
شعرت اثناء قرأتى حقا بأننى اعزف على آله موسيقة
ويبدو لى انها الهارب
رغم عشقى للجيتار
ولكن هذه السيمونيه الجميلة التى القيتها علينا بقلمك كانت شديدة الهدوء مثل الهارب
تحياتى
ومبسوطة بجد انى موجودة فى اول موضوع لاجمل سيمفونيه

نجمة قمر حبيب و بعيد يقول...

السلام عليكم
ايه كل التعليقات ده
شكلك هتعمل انتفاضة عاطفية
ما عينا فين الموسيقا اللى قلت عليها و لا كلام و بس
يا ريت بقه تعرفنا الحب فتوفتة فتوفتة
و نحن وراءك
سلام من نجمة قمر حبيب و بعيد بس مزقططة

الفراشة الصغيرة يقول...

الا بحييك
على السيمفونيه الجميله
بجد موسيقى جميله قوى وهاديه

ثانيا الف مبروك على المدونه

فى تقدم دائم ان شاء الله

تقبل
تحياتى

دينا حامد يقول...

مبروك المدونة الجديدة يا اسلام
وباين انها هتكون مدونة جميلة
مع ان فيها حزن كدة
في انتظار موضوعاتها

تحياتي

فشكووول يقول...

يا اسلام بك .. تحياتى
يا عم انت غاوى تدوخ الناس اللى مش بتفهم فى الكمبيوتر زى ليه انا رحت عندك فى المدونه القديمه وما لقيتش بوست وبعدين قمت كتبت فى فى مربع الدردشه وبعدين قعدت اعمل تباديل وتوافيق ما هو انا مش سهل يعنى لحد ما جيت هنا ولقيت موضوع عن الحب الى يسكن الواحد فى احلى قصر فى الدنيا او يوديه النار
عارف يا اسلام الحب زى ما بيقولوا عليه زى عضة الكلب عمرها ما تضيع ابدا
تحياتى

Soul.o0o.Whisper يقول...

بجد ما شاء الله عليك

ربنا يبارك لك

لالالالا ... إن شاء الله بداية مبشرة


بس الحب لوحده ما ينفعش
كدا نتعب اوى


بس بردوا ان شاء الله متابعين




دمت بود

ايمان روحي يقول...

الحب ، تلك الكلمة التى يجمعها الفرحة والسعادة والحزن والألم ، توليفة غير طبيعية من عدة احاسيس ، اسطورة تتحول فى بعض الاحيان الى حقيقة ، واحياناً تبقى الاسطورة كما هى ، بعد ان تطعنها سيوف الكدب والخيانة .

تسلم اناملك جد كلمات حضرتك
بتخلي الواحد يعيش بعالم غير العالم
كلمات جد مرهفه
ورائعه
بتمنالك التوفيق
والمسيقي كمان نعومه
تحيــــاتي

dr.lecter يقول...

حلو البوست ومبرووك علي المدونه الجديده ونحاول نتابع الاتنين بتوعك علي اد مانقدر

غير معرف يقول...

استاذ اسلام
مبروووك على المدونه الجديده...بس موش كنت متخيلاك رومانسى كده...بجد جميله
انا هتابعها بس انصحك ماتاخدش برأيى فى اى موضوع خاص بالرومانسيه
دمت بخير.... تفبل مرورى

ليكوريكا يقول...

يمكنها ان تسكنك فى ارقى بيوت السعادة ، ويمكنها ان بكيك مدى حياتك ، وإن فعلت وان تخرج من فمك تلك الكلمة الى شخص ما تريدة ، فأعلم ان الوقت قد حان ، وان تستسلم الى حياة لها مذاق اخر ...، حياة الحب .

---------------------------

صدقت

ونحن باذن الله في انتظار أول مقطوعه من سيمفونيتك .

دمت بخير

MǿиY El-Shreef يقول...

اولا الف مبروك يا اسلام

العنوان بجد تحففففففه

عجبني اوي اوي

ثانيا تخيل انا امبارح كنت بغير الستايل وكنت هختار ده بس بعدين اخترت الي موجود حاليا :D

ثالثا بقى .. ربنا معاك ف المدونه التحفه دي انا ان شاء الله متابعه عشان كلامك عجبني جده وحاسه ان احساسك بيوصل كده

:)

♥نبع الغرام♥♪≈ يقول...

السلام عليكم
غسلام عندى ليك تاج تعالى عشان تاخده
منتظراك بمدونتى أيها الغالى
تقبل تحياتى

صفــــاء يقول...

مبروك المدونه الجديدة
خواطر الحب من أمتع الكتابات وأكثرها قربا للقلب
كم ان طريقه سردها ليس لها قيود او روابط فهى تتدفق بسلاسه نبضات قلوب اصحابها
مبروك كمان مرة
تحياتى لك

ادم المصرى يقول...

الف الف الف مبروك اخى اسلام على مدونتك الاكثر من رائعه بس يا اخى انا كنت عيذك فى شيئ هسبلك اميلى وياريت تكلمنى



aa_aa12115@hooi

دعاء العطار يقول...

الفففففففففف مبروووووووك على المدونه

ماشاء الله

جميييييييييله اوى

وان شاء الله تنجح اكتر واكتر

وعايزه اقولك ان السيمفونيه روووووووعه

غير معرف يقول...

وبتقوللي مش بكتب رومانسي!!

اومال السمفونيه دي ايه ؟؟

ومهمتى الأن هى ان احرك هذه الكلمة.. الحب ، وما يعانيها من كلمات.. لتجرى فى بحور الحنين ، فترسوا هادئة فى ميناء العشاق ، تحكيها معى اوركسترا تجمع بين الحقيقة والخيال ، تأخذك الى عالم لا يعلم سوى منطق الرومانسية الخالصة ، تحكى عن صراع بين الحب والتضحية ، ونزاع بين الشك واليقين ، وحينها ...، سيعزف الناى بأنفاسه الذهبية تتعجب من خفوتها ، وستظل الكمان تواسيه
إلى ان تتوقف بنا الحياة
إنها بأختصار ...سمفونية الحب الجميل


بص
بجد مش عارفه اقولك ايه

تحفه بجد

هستني البوست الجديد اللي قلتلي عليه ..:)